ان قلتلك بنســــــــــــــــــــــــــــــاك

لا تحسبني عقـب فرقـاك اببكيـك
عادي على مثلي وصالـك وفرقـاك
يطري علي هرجك و تطري حكاويك
لاكـن مـا والله تشفـع حكـايـاك
خليتنـي لعبـه وانـا بيـن اياديـك
تبّت يديـن اللـي يسـوي سوايـاك
وش تنتظر مني بعد قلت : وش فيك؟
وانته معـى خلّـك خبيثـه نوايـاك
ما عاد فيني صـوت يقـدر يناديـك
وماعاد فيني قلـب يصبـر لبلـواك
وشلون هانت عشرتي يوم اخاويك ؟
وشلون ترضى خوة انسان خـلاّك ؟
شف لك مع العربان واحـد يسلّيـك
ولا انا مـا عـاد ابااعيـش ويّـاك
الله يخلّـي قلبـك لعيـن ترجـيـك
والله يعيـن الـي يرافـق حلايـاك
لانـي بمعشوقـك ولانـي بمغليـك
ولاني من الي لا غديـت يتحـرّاك
ولا تحسبنّي عقب فرقـاك اببكيـك
عادي على مثلي وصالـك وفرقـاك
ان قلت : ابا اخلّيك .. والله لخلّيـك
وان قلت لك : بنساك .. والله لنساك
اول مشاركه لي بالمندى واتمنى تنال إعجابكم
منقــــــــــــــــــــــــــــــــــول

مشكوووووووور

وانشاء الله انه المشاركه ماهي الاخيره

مشكووووووور عاش هنادي على الشعر
تقبل مروري

الف شكرررررررررررررر على المرور وتقبلوا تحياتي

الف شكر لك أخوي عاشق هنادي
وسلمت يداك

وان قلت بنساك والله لنساك ونعم كفووو والله

كلمات رائعه واللي نقلها اروع

مشكور وسلمت يداك ولا عدمناك ان شاء الله