لاصحاب التطعيس

السلام عليكم
كثير من الاخوة يحب التطعيس بالبر ........ ويحب التمشي به ........ وهذا الامر له شروط واهمها الخبرة ...... فأذا كنت لست بذاك الخبير فأنصحك ان لا تبتعد ...... لان التطعيس له قوانين متى تخفف متى تزيد السرعة متى تلف اين توقف السيارة ....

عموما من الامور المهمة في التطعيس بالرمال واهمها هي التنسيم ........ تنسيم الكفرات ...... وحتى التنسيم يختلف من مكان الى اخر ..... يعني بتدخل طعس صغير .... ماهوب ذاك الرمل التنسيم المناسب هو 20 لكن ان كنت ستدخل رمال اصعب فأظن ان 10-15 هو انسب شي .

ولكن المشكلة اذا خرجت من الرمال ..... تبي تعبي الكفرات ؟؟؟؟ يمكن تحتاج نصف ساعة او اكثر او خمس دقائق او اقل حسب المنفاخ اللي عندك ...... وهنا سنطرح بعض الانواع الجيدة والمجربة ...

1- منفاخ الهواء العادي .......... وهو يأتي منه انواع كثيرة تبدأ الاسعار من 50 ريال وتصل الى 1200 ..... من الانواع الجيدة هو ماركة air baby واسعاره 170 - 180 ... جهاز سريع وتقدر تثبته بجنب المكينة وتسلك له ويجي معاه هوز اصفر .......... او هناك انواع شبيه له بس ما اعرف اسمائها .... وهناك ايضا نوع اسباني كبير الحجم يجي بشنطه بنية قيمته حول 650 وغيرها .....ولكن مشكلة هذه الانواع انها ليست سريعة جدا ..... الامر الاخر انها ترتفع حرارتها بعد 15 - 20 دقيقة من الاستعمال .... وعندها تفصل اوتماتيكيا حينها تضطر انك تنتظر الى ان تبرد ......

2- منفاخ الهيدرولك ......... هذا المنفاخ يجي على البويك والكادلاك القديم 82 وطالع ....... وهو ينفخ الهيدرولك الخلفي ....... وبأمكانك ان تجعله ينفخ كفرات السيارة ...... بس ترهمله مكان في المكينة وتسلك له وتحط له مفتاح تشغيل وتفصل له هوز مثل البنشر .... وتعبي الكفرات على كيف كيفك .......... وميزته انه سريع وقوي يتحمل .... لك وللزمن ........ بعض الشباب يركبون بسياراتهم منفاخين على اليمين واليسار ....... وايضا بأمكانك انك تشبكهم مع بعض ويعطوك قوة رهيبة .............. اسعارها بالتشليح من 150 - الى 250 حسب شطارتك .......... بأمكانك ايضا تفصل لها صندوق حديد او خشب مخرم وتحطها فيها ويصير مثل المنفاخ المتقل .......... وانا انصح اي واحد راعي بر وتطعيس وتنسيم يركب مثل هذا المنفاخ ........ وعلى فكرة ايضا يجي هذا الهايدرولك على الفورد اللنكون من 90 الى 97 وهو اقواها ولكنه ما عندي فكرة عن قوته بس اللي اعرفه انه اسرع من البيوك ...... وايضا يأتي على الماركيز والفاكتوريا بعض الموديلات من 91 وطالع ...

3- الكمبروسير ............ وهذا النوع اللي يبغى سرعة اكثر واكثر ........ او اللي يبي يفتح بنشر في وسط السيارة ......... وشغلته يبغالها واحد فنان ويمخمخ عليها وهي طريقة مجربة ونتائجها غير طبيعية ......

تجيب كمبروسير مكيف لأي سيارة وخاصة .... مرسيدس او كروسيدا .حسب سياراتك ....... وترهم هذا الكمبروسير بحيث تلف عليه السير ........ حتى لو تحط سير اضافي اذا كان فيه مكان للبكرة ....... يعني تشوفله صرفة بحيث تركبه بالسيارة ويمر عليه السير ....... وتحط له زر تشغيل ........ ووووووبس ...... بدون فريون ولا وشي ... يخرج من الكمبروسير انبوبين واحد للشفط والثاني للدفع ....... حط على الشفط فلتر على شان ما يدخل غبار على الكمبروسير وحط على الدفع هوز وعب فيه الكفرات ........ وشف مثل مكاين البنشر وزيادة .... يعني تعبي الكفرات لو كانت بالارض خلال خمس دقائق فقط !!!!! وكل ما تدوس على بنزين يزود الدفع

فيه بعض الحركات الحلوة تنحط مع هذا النوع من المنفاخ ........ ينباع في ساكوا مثل خزان هواء قيمته حول ال 100 ريال وطوله ما يزيد عن 70 سم وقطره 40 سم تقريبا ......... وعليه ساعة ضغط ....... ترهم هذا الخزان بمكان بالسيارة تحت فوق وراء اي مكان ......... وتسلك هوز من الكمبروسير الى الخزان , ومتى ما احتجت هواء شغل الكمبروسير لمدة دقيقتين راح تشوف الخزان تعبا فل بضغط 80 ....... ومن الخزان يخرج الهوز تعبي فيه الكفرات وبأمكانك ان تركب عليه دريل مسامير علشان تفتح البلوط يعني تقدر تسوي فيه اي شي مع ضغط الهواء .......

هذا ما لدي وان كان فيه اضافات للانواع المنافيخ لا احد يبخل ....... والسلام عليكم

شف كل الناس يحبون البر وانا من الناس ذولا

لكن منهم من يحب انه يرهم الموتر عشان يراقي به

ومن اشهر الاماكن الي يراقوووون فيها الناس

الثمامه - المانعيه- ومنها كثير ولكن لا يحضرني الان الا هذي الاماكن

ومن الناس من يحب ان يذهب ليرا الذي يطعسووووون

ومنهم من يحب ان يذهب للتطعيس

واشهر ناس معروووفين بالتطعيس هم اهل القصيم

وياتي بعدهم الرياض

ومنهم من يحب ان يذهب بالدبابات المعرووووفه للتطعيس ويكووون مركب كفرات جرافه

وفي الختام اشكرك على الموضوع المميز والرائع

اخوكم :- احساس عاشق

مشكووووور ع الرد اخوي احساس